Presidenti i Serbisë, Aleksandar Vuçiq, foli sot edhe për krizën aktuale të energjisë.

“Unë nuk fle natën, nuk do të zgjidhim asgjë lehtë, do të kemi probleme me çmimin e të gjitha burimeve të energjisë”, tha Vuçiq sot, duke marrë pjesë në hapjen e minierës së bakrit dhe arit në Cukar Pekë, transmeton arbresh.info.

Ai theksoi se ne po bëjmë më shumë përpjekje në këtë fushë se shumë vende të tjera.

“Ata që janë në një situatë dhjetë herë më të keqe se ne nuk shqetësohen. Ne po luftojmë më shumë se ata, prandaj jemi kaq të suksesshëm”, tha Vuçiq.

Kemi një situatë të tmerrshme energjetike, vëren ai dhe shton se çmimi i energjisë elektrike në bursë është 229 euro për megavat.

“Bisedimet me Putinin janë në vijim, të cilat janë gjithmonë të pasigurta,” tha ai.

Duke iu referuar hapjes së minierës së re të përmendur, Vuçiq thotë se Serbia ka trefishuar rezervat e arit.

Duke folur për problemin e rritjes së çmimeve të bitumit, presidenti thotë se fabrikat e çimentos po paralajmërojnë rritje prej 30 për qind nga 1 janari dhe se aktualisht po kërkojnë kontrata afatgjata që do të ishin më të favorshme se kaq./arbresh.info/