Ministri i Mbrojtjes, Armend Mehaj, ka pritur të enjten në takim këngëtarin Ilir Shaqiri, të cilit i dhuroi një medalje për kontributin e dhënë në kulturën dhe artin kombëtar.

Ai për këtë takim ka njoftuar përmes postimit në Facebook.

“Kënaqësi të pres në zyrën time, artistin e madh të kombit, këngëtarin tonë të mirënjohur, Ilir Shaqirin. Me këtë rast, Ilirit i shpreha mirënjohjen dhe vlerësimin më të lartë për kontributin e tij të madh në kulturën dhe artin kombëtar”, ka shkruar Mehaj në llogarinë e vet në “Facebook”.

Mehaj ka vlerësuar rolin e jashtëzakonshëm të Ilir Shaqirit në krijimtarinë e tij të madhe artistike, në ruajtjen dhe kultivimin e vlerave më të larta të këngës patriotike, që mbajti gjallë dhe fuqishëm shpirtin patriotik dhe liridashës të popullit tonë në kohë shumë të vështira.

“Vlerësimi i tij për punën, angazhimin dhe sukseset tona të deritashme ishte nder, por edhe më shumë përgjegjësi, që të vazhdojmë me intensitet edhe më të madh, për realizimin e amanetit të gjithë të rënëve për liri, që u këndoi dhe do t’u këndoj gjithmonë, Ilir Shaqiri”, ka shkruar ministri Mehaj.