Një person ka humbur ndjenjat dhe ka rënë për toke pas keqësimit të gjendjes shëndetësore të tij. 

Ngjarja ka ndodhur në Aeroportin Ndërkombëtar të Prishtinës sot rreth orës 15:25.

Sipas Policisë së Kosovës, personi i identifikuar është një 49 vjeçar nga Gjakova, shkruan arbresh.info.

“Sot më, 01.10.2021, rreth orës 15:25, para terminalit në Aeroportin Ndërkombëtar të Prishtinës (ANP), një qytetar (më vonë është identifikuar si F.Q., viti i lindjes 1972 nga Gjakova) ka humbur ndjenjat dhe është rrëzuar në tokë”, thuhet në njoftim.

Reagimi i menjëhershëm i zyrtarëve policorë, konkretisht policit K.G., një qytetari L.A., (viti i lindjes 1991, anëtar i Ekipit të Zhytjes nga Mitrovica) dhe personelit mjekësor të ANP-së, konkretisht Xh.R., ka bërë që qytetari të mbahet në jetë, t’i lirohen rrugët e frymëmarrjes, t’i bëhet reanimimi kardio-polmular dhe t’i stabilizohet gjendja.

I njëjti është dërguar për në emergjencën e QKUK-së dhe pas marrjes së tretmanit mjekësor është liruar për në shtëpi./arbresh.info/