Ferizaj është shpallur kampion vjeshtor i Ligës së Parë të Kosovës. Fitorja 1:0 ndaj liderit të deritashëm, Trepça, ia ka mundësuar ekipit ferizajas që ta marrë primatin në këtë ligë, duke e zbritur gjigantin mitrovicas në pozitën e tretë, pasi KEK-u e mbylli pjesën e parë të sezonit në pozitën e dytë, me pikë të njëjta me “Xehetarët”, falë fitores në udhëtim ndaj Rahovecit, 2:1.

Ferizaj ka shfaqur formë të mirë konstante në Ligën e Parë, duke e pësuar vetëm një humbje nga 15 ndeshje të zhvilluara, krahas 10 fitoreve dhe katër barazimeve. Ndërkohë, një ndeshje mjaft interesante ishte ajo ndërmjet Vllaznisë dhe Vëllaznimit.

Gjakovarët po udhëhiqnin 2:0 në udhëtim, por skuadra nga Pozharani u rikthye furishëm, duke shënuar tre gola dhe duke i mbajtur pikët në shtëpi. Me këtë rast, gjakovarët e mbyllën stinorin vjeshtor në pozitën e 10-të, goxha larg ekipeve që e synojnë rikthimin në Superligë.

Në derbin e kryeqytetit, Flamurtari e largoi 2 Korrikun nga kreu i tabelës, duke e mposhtur 4:2. Si Kuqezinjtë, ashtu edhe ekipi verdh e kaltër, synojnë të rikthehen në elitën e futbollit kosovar, pas një kohe të gjatë.

E Dukagjini, i cili e mbylli pjesën e parë të sezonit si i pesti, me pikë të njëjta me 2 Korrikun, e përcolli në shtëpi Luftëtarin me një pesëshe.

Liga e Parë – Java e 15-të

Rezultatet

Rahoveci – KEK-u                 1:2

Behari – Ramiz Sadiku           1:2

Vllaznia – Vëllaznimi              3:2

Flamurtari – 2 Korriku            4:2

Ferizaj – Trepça                       1:0

Dukagjini – Luftëtari              5:0

Vitia – Fushë Kosova             3:1

Kosova (P) – Ballkani             0:1

Tabela

1. Ferizaj         15        10        4          1          25:7     34

2. KEK-u        15        10        3          2          38:7     33

3. Trepça         15        11        0          4          29:12   33

4. 2 Korriku     15        9          1          5          29:15   28

5. Dukagjini    15        9          1          5          23:17   28

6. Ramiz Sadiku15      8          3          4          25:16   27

7. Flamurtari    15        8          3          4          19:12   27

8. Vllaznia       15        5          5          5          22:21   20

9. Fushë Kosova15     6          2          7          21:21   20

10. Vëllaznimi 15        5          4          6          19:16   19

11. Vitia          15        4          4          7          12:15   16

12. Rahoveci   15        4          4          7          15:27   16

13. Ballkani     15        4          3          8          12:17   15

14. Kosova (P)15        2          2          11        10:33   8

15. Luftëtari    15        2          2          11        13:42   8

16. Behari        15        1          3          11        12:46   6