Sekretari i Mbrojtjes në Mbretërinë e Bashkuar ka kritikuar vendimin e SHBA për të lënë Afganistanin si një “gabim” që u ka dhënë talebanëve “vrullin”.

Duke folur për Sky News, Ben Wallace paralajmëroi se “komuniteti ndërkombëtar ndoshta do të paguajë pasojat” dhe tha se ishte i shqetësuar se al-Kaida do të rimarrë një bazë në Afganistan.

Ai konfirmoi planet e Mbretërisë së Bashkuar për të vendosur 600 trupa në Afganistan për të ndihmuar 3,000 njerëz, përfshirë përkthyes dhe mbajtës të pasaportave britanike që të largohen, pasi zyrtarët thanë të premten se talebanët kishin kapur qytetin e dytë më të madh të Afganistanit, Kandahar, si dhe Lashkar Gah, kryeqytetin e Helmand krahinë në jug.

Wallace tha se marrëveshja e tërheqjes e negociuar në Doha, Katar, nga administrata Trump ishte një “marrëveshje e kalbur” të cilës Mbretëria e Bashkuar u përpoq t’i rezistonte.

Ai tha se Mbretëria e Bashkuar nuk kishte zgjidhje tjetër veçse të tërhiqte trupat, sepse bashkësia ndërkombëtare duhej të vepronte së bashku. “Kur Shtetet e Bashkuara si komb -kuadër morën atë vendim, mënyra sesi ne të gjithë ishim konfiguruar do të thoshte se duhej të largoheshim,” tha Wallace.

I pyetur se sa gabim i madh ishte tërheqja e trupave, Wallace tha: “Ne të gjithë, në bashkësinë ndërkombëtare me siguri do të paguajmë pasojat e kësaj ”./arbresh.info/