Emiratet e Bashkuara Arabe të mërkurën u bënë shteti i parë i Gjirit Persik që hap ambasadë në Izrael.

Ambasadori i Emirateve i çmoi mundësitë për investime dhe tregtinë që do t’i sillnin marrëdhëniet më të ngushta. Në ceremoninë e hapjes së ambasadës mori pjesë edhe presidenti i Izraelit, Isaac Herzog.

Të bashkuar nga shqetësimet rreth Iranit, Emiratet e Bashkuara Arabe dhe Bahrejni i normalizuan marrëdhëniet me Izraelin vitin e kaluar, me ndërmjetësimin dhe ndihmën e ish-presidentit amerikan, Donald Trump, shkruan Reuters transmeton arbresh.info

Hapja e Ambasadës së Emirateve të Bashkuara Arabe në Tel Aviv erdhi pas inaugurimit të Ambasadës së Izraelit në Emirate muajin e kaluar.

Emiratet e Bashkuara Arabe thanë vitin e kaluar se marrëveshja për normalizimin e marrëdhënieve me Izraelin përfundimisht do të sjellë përfitime edhe për palestinezët. /arbresh.info/