Hasbije Shehu dhe Gyljere Shehu, nënë e bijë ka më shumë se tre javë që qëndrojnë nëpër korridoret e banesës, përballë stacionit të autobusëve në Kacanik.

Dhoma ku ato banonin është shitur, e pronari i ri i ka larguar, transmeton klankosova.tv.

Aty thonë se nuk qëndron askush, e nënë e bijë gjumin e bëjnë në një krevat në korridor bashkë.

Hasbije Shehu tregon se ka probleme shëndetësore, e pensioni prej 100 eurosh nuk i mjafton as për barëra.

Ndërsa Gyljere Shehu, e bija, thotë se krejt cëka kërkojnë është një strehë e përkoshme. Pastaj, planifikojnë të aplikojnë për banesat për rastet sociale që do të dhurojë komuna.

Kurse kryetari i Kacëanikut, Besim Ilazi, nëpërmjet një përgjigjie me shkrim bëri të ditur se i ka udhëzuar ato të aplikojnë për një banesë kur të hapet konkursi.

Të gjithë të interesurit për ta ndihmuar këtë familje, mund të kontaktojnë këtë numër telefoni: 045 552 749.