Këshilltari i presidentes së Kosovës, Vjosa Osmani, Artan Murati ka reaguar ndaj pretendimeve për shkele të Kushtetutës nga Vjosa Osmani në vendimin për shkarkimin e ish-kryetares së KQZ-së, Valde Daka.

Ai përmes një postimi në Facebook, ka shtruar pyetjen se cilat shkelje janë bërë, shkruan arbresh.info.

Murati ka thënë se ndërprerja e mandatit të kryesuesit të KQZ-së është përcaktor më Ligj.

Postimi i plotë i tij:

Përsëri sonte flitej për shkelje të pretenduara kushtetuese nga ana e Presidentes, në rastin e znj. Daka.
Cila dispozitë kushtetuese është shkelë? Cila është shkelja e pretenduar kushtetuese?
Ndërpreja e mandatit të Kryesuesit të KQZ-së është e paraparë me Ligj. Ligji nuk përcakton ndonjë procedurë shtesë e as nevojë për propozime për ndërprerje të mandatit nga dikush tjetër.
Nëse flisni për procedurë të shkarkimit, cila është ajo procedurë?
Për sqarim e rikujtim: Presidenti i vendit e emëron Kryesuesin e KQZ-së. Nuk ka asnjë procedurë të vetme që duhet ndjekur për emërim, përvec kushtit që i emëruari të jetë gjyqtar i Apelit ose Supremes. Nuk duhet propozim as nga KGJK, as nga KQZ, as nga Gjykata përkatëse nga e cila përzgjidhet i emëruari i Presidentit si Kryesues i KQZ-së.
Për cfarë procedure të shkarkimit po flitet atëherë? Nuk ka dicka të tillë. Nuk ekziston dicka e tillë. Kjo vlenë edhe për disa institucione tjera, ku emërimi e shkarkimi/ndërprerja e mandatit të Kryesuesit bëhet nga Presidenti, jo vetëm për KQZ-në.
Procedurë emërimi e shkarkimi ka për Gjyqtarë, sepse ndonëse emërohen e lirohen nga detyra nga Presidenti, propozimi vjen nga KGJK. E njëjta vlenë për Prokurorët, me propozim nga KPK. Procedurë ka edhe për Gjyqtarët e Kushtetueses, ndonëse edhe këta i emëron Presidenti.