India ka porositur 300 milion doza të një vaksine të pa aprovuar, përderisa vendi është duke kaluar një valë të rrezikshme të pandemisë.

Vaksina pa emër nga firma indiane Biologjike E është në provat e Fazës 3 dhe kishte treguar “rezultate premtuese” në dy fazat e para, tha qeveria federale në një deklaratë, shkruan BBC, transmeton portal arbresh.info

Kjo është hera e parë që India ka nënshkruar për marrjen e një vaksine që ende nuk ka marrë miratim.

Më pak se 10% e vendit ka marrë të paktën një dozë të vaksinimit, kryesisht për shkak të një mungese të rëndë të dozave.

India vazhdon të regjistrojë një numër të madh infeksionesh me Covid-19, deri në 100 mijë raste në ditë.

Ajo ka regjistruar më shumë se 340,000 vdekje nga virusi deri më tani, por ekspertët thonë se numri është jashtëzakonisht i nënvlerësuar.

Qeveria federale e Indisë, e udhëhequr nga Kryeministri Narendra Modi, është kritikuar për mos vendosjen e masave me qëllim të parandalimit të infeksionit.

India aktualisht po jep tre vaksina – Covishield, prodhuar nga Instituti Serum i Indisë (SII) dhe Covaxin, i zhvilluar nga firma indiane Bharat Biotech dhe Këshilli Indian i Qeverisë i Kërkimit Mjekësor dhe Sputnik V, i cili është zhvilluar nga Instituti Gamaleya i Moskës.

Vaksina e re nga Biologjik E “ka të ngjarë të jetë në dispozicion në muajt e ardhshëm”, sipas qeverisë./arbresh.info/