Një rast i gjuajtjes me armë është raportuar në Fushë Kosovë, ku si pasojë dy persona kanë mbetur të lënduar.

Policia e Kosovës ka njoftuar se rasti ka ndodhur rreth orës 22:30.

Zëdhënësja e Policisë së Kosovës për rajonin e Prishtinës, Flora Ahmeti i ka thënë arbresh.info se policia ka dalur menjëherë në vendin e ngjarjes dhe është duke hetuar rastin.

“Rreth orës 22:30 është raportuar për një gjuajtje me armë zjarri në Fushë Kosovë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karaketrizojnë rastin. Informatat e para falsin për dy persona të lënduar nga arma e zjarrit”, ka thënë Ahemeti.

Të lënduarit sipas saj, janë dërguar ne QKUK për trajtimin e nevojshëm mjekësor.

Lidhur me këtë rast një person i dyshuar është identifikuar dhe arrestuar nga ana e policisë dhe aktualisht po vijon puna për hetimin e rrethanave që lidhen me rastin./arbresh.info/