Ambasada e Finlandës në Kosovë ka reaguar pas përplasjeve që ndodhën dje në Kuvend mes deputetëve të Partisë Demokratike të Kosovës dhe Lëvizjes Vetëvendosje.

Në reagimin e tyre thuhet se ambasada e Finlandës është thellësisht e shqetësuar për sjelljen dhe gjuhën e përdorur në seancën e djeshme.

Njoftimi i plotë:

Ambasada e Finlandës është thellësisht e shqetësuar me sjelljen dhe gjuhën e përdorur në seancën e Kuvendit të mbajtur dje. Kuvendi i Kosovës është vendi ku votohen të gjitha ligjet, ratifikohen traktatet ndërkombëtare, ku emërohen Presidenti, Kryeministri, ministrat, dhe drejtësia e të gjitha gjykatave.
Në këto momente të vështira, kur qytetarët e Kosovës po luftojnë me COVID 19, Ambasada e Finlandës shpreson në një lloj standardi tjetër nga aktorët që kanë zgjedhur qytetarët e tyre. Bashkimi dhe bashkëpunimi është shumë i nevojshëm tani.
′′ Çdokush mund të zemërohet – kjo është e lehtë. Por të zemërohesh me personin e duhur, në shkallën e duhur, në kohën e duhur, për qëllimin e duhur dhe në mënyrën e duhur – kjo nuk është e lehtë.”
ARISTOTELI