Ambasadorja e Shteteve të Bashkuara të Amerikës (SHBA), në Shqipëri Yuri Kim ka njoftuar se për 48 orët e fundit ka takuar tre figurat më të rëndësishme politike në vend.

Kim përmes një statusi në Twitter ka shkruar se ka takuar Bashën, Ramën dhe Metën, ndërsa mesazhi i saj është që shqiptarët të votojnë të lirë dhe në paqe.

“Takova kryetarin e PD-së Lulzim Basha sot, njësoj siç jam takuar me presidentin Ilir Meta dhe kryeministritn Edi Rama në 48 orët e fundit. Ne përsërisim se SHBA nuk mbështet asnjë parti ose kandidat. Por ne mbështesim absolutisht të drejtën e të gjithë qytetarëve të Shqipërisë për të votuar lirshëm dhe në paqe”, ka shkruar Kim.

Ndryshe, të premten presidenti i Shqipërisë Ilir Meta dhe ambasadorja Yuri Kim janë përfshirë në një debat në distancë mes tyre.