Pesë persona kanë humbur jetën nga Koronavirusi në Kosovë brenda 24-orëve të fundit.

Kështu ka bërë të ditur Instituti i Kosovës për Shëndetësi Publike (IKSHPK), shkruan arbresh.info.

“Brenda 24 orëve janë raportuar 5 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 1 rast (62 vjeç), Gjakovë 1 rast (72 vjeç), Prishtinë 1 rast (70 vjeç), Viti 1 rast (59 vjeç), Vushtrri 1 rast (69 vjeç)”, njofton IKSHPK.

Ndërsa, janë shënuar edhe mbi 500 raste të reja me Covid-19.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3.084 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 506 raste pozitive”, thuhet në njoftim.

Numri total i rasteve pozitive deri tash në Kosovë ka arritur në 102.742 raste, nga 508.333 persona të dyshimtë në virusin SARS-CoV-2 dhe 2.105 raste të vdekjes./arbresh.info/