Të paktën 44 njerëz janë vrarë në rrëshqitjet e tokës dhe përmbytjet e shkaktuara nga shirat e mëdha në Indonezinë lindore, njoftoi sot agjencia e parandalimit të katastrofave.

Situata më e keqe është në fshatin Lamenele, në provincën lindore të Nusa Tenggara, ku një lumë uji goditi pothuajse 50 shtëpi dhe ekipet e shpëtimit gjetën 20 trupa të vdekur dhe nëntë të plagosur, tha një zëdhënëse e Agjencisë Kombëtare të Zbutjes së Fatkeqësive.

Ajo deklaroi se trupat e tre viktimave u gjetën në dy fshatra të tjerë, katër u plagosën dhe dy janë renditur si të zhdukur. Qindra njerëz u larguan nga shtëpitë e përmbytura, tha zëdhënësja, raporton aa.

Ajo tha se operacioni i shpëtimit, në të cilin qindra njerëz po marrin pjesë, është i penguar nga ndërprerjet e energjisë, bllokuar rrugët dhe distanca në zonë.

Përmbytje të mëdha u raportuan gjithashtu në Bima, një qytet në provincën fqinje të Nusa Tenggara perëndimore, duke detyruar gati 10 mijë njerëz të largoheshin.

Shirat e dendur shpesh janë shkaku i përmbytjeve dhe rrëshqitjeve të dheut në Indonezi, ku dhjetëra njerëz vdesin çdo vit në mesin e miliona njerëzve që jetojnë në zona malore ose në luginat e lumenjve.

Në janar, 40 njerëz u vranë në dy rrëshqitje dheu në provincën e Java-së Perëndimore.