Ushtruesi i detyrës së kryetarit të OVL-UÇK-së, Faton Klinaku ka reaguar pas arrestimit të ish-komandantit të UÇK-së, Pjetër Shala nga Gjykata Speciale.

Klinaku përmes një postimi në llogarinë e tij në Facebook ka thënë se kjo është dëshmi që Specialja është politike dhe e jashtëligjshme.

E sipas tij këtë po e dëshmojnë edhe avokatët mbrojtës të të akuzuarve në Hagë më ngritjen e mocioneve lidhur me juridiksionin, shkeljen e ligjeve dhe skadimin e mandatit të saj.

Postimi i plotë:

Se Gjykata Speciale, ishte dhe është politike, është e jashtëligjshme dhe kundërkushtetuese, po e dëshmojnë edhe avokatët mbrojtës të të akuzuarve në Hagë me ngritje të mocioneve lidhur me juridiksionin, shkeljen e ligjeve dhe skadimin e mandatit të saj.

Nga një gjykatë e tillë, mund të jetë cak secili ushtar i UÇK-së.

Lexo edhe:

Me fletarrest nga Dhomat e Specializuara të Kosovës, Pjetër Shala arrestohet në Belgjikë – Arbresh.info