Kandidati për deputet i Lëvizjes Vetëvendosje në Shqipëri për Qarkun e Lezhës, Ilaz Shehu ka shfaqur punën e palodhshme që bëhet në zyrën e VV-së.

Përmes një shkrimi në ‘facebook’, Shehu ka njoftuar se janë drejt përfundimit të verifikimit të nënshkrimeve që deri më tani kemi grumbulluar nga qytetarët, shkruan portali arbresh.info

Postimi i tij i plotë:

Puna në zyrën e Lëvizjes VETËVENDOSJE! në Lezhë po vazhdon me intensitet edhe me të lartë. Jemi drejt përfundimit të verifikimit të nënshkrimeve që deri më tani kemi grumbulluar nga qytetarët.

Gjej rastin t’ju njoftoj se ata të cilët nuk kanë patur mundësinë t’i vendosin nënshkrimet e tyre për kandidaturën time, apo ata që akoma nuk kanë dorëzuar formularët e plotësuar nga qytetarët, i ftoj që ta bëjnë këtë deri nesër në orën 14:00, koha kur e mbyllim këtë proces sa sfilitës, aq edhe të bukur për shkak të mbështetjes së qytetarëve dhe kontaktit të përditshëm me ta. /arbresh.info/