Policia e Kosovës raporton për disa raste të dhunës në familje të ndodhura në 24 orët e fundit.

Në rajonin e Prishtinës, ka ndodhur në mbrëmjen e së dielës rreth orës 22:00.

“Është arrestuar një i dyshuar mashkull kosovar pasi i njëjti dyshohet se ka ushtruar dhunë fizike ndaj viktimës femër kosovare (bashkëshortes së tij).Viktima është udhëzuar për urdhër mbrojtje dhe ka marrë tretman mjekësor. Me  urdhër  të prokurorit i dyshuari është dërguar në mbajtje”, thuhet në raportin e policisë, shkruan arbresh.info.

Rasti tjetër është raportuar në rajonin e Pejës, rreth orës 19:00.

“I dyshuari  mashkull kosovar ka sulmuar fizikisht gruan e tij  të cilës i ka shkaktuar  lëndime të  lehta trupore. I dyshuari është arrestuar dhe dërgohet në ndalim policor”, thuhet në raport.

Rasti tjetër është raportuar në orën 04:00 të mëngjesit të së dielës, në Skenderaj.

“Është arrestuar një i dyshuar mashkull kosovar pasi që i njëjti ka ushtruar dhunë fizike ndaj viktimës  kosovare (bashkëshortes së tij).Viktima ka pësuar lëndime trupore dhe është dërguar për tretman mjekësor në spitalin rajonal në Mitrovicë. Me urdhër  të prokurorit i dyshuari është dërguar në mbajtje”, thuhet raportin e policisë.

Rastet e dhunës në familje janë bërë shqetësuese, dhe sipas psikologëve, izolimi gjatë pandemisë ka ndikuar mjaftë shumë në shtimin e këtyre rasteve./arbresh.info/