Administrata Amerikane e Ushqimit dhe Barnave (FDA) ka aprovuar përdorimin e vaksinës së koronavirusit “Johnson & Johnson”, raporton BBC.

“Johnson & Johnson” do të jetë një alternativë me kosto efektive për vaksinat Pfizer / BioNTech dhe Moderne. Do të jetë vaksina e tretë e aprovuar në SHBA dhe do të jepet një dozë e vetme. Vaksina është bërë nga kompania belge “Janssen”, transmeton portal arbresh.info

Kompania ka njoftuar se do të furnizojë Shtetet e Bashkuara (SHBA) me 100 milion doza deri në fund të muajit qershor dhe dozat e para do të jenë në dispozicion që nga java e ardhshme.

Mbretëria e Bashkuar, Bashkimi Europian dhe Kanada gjithashtu kanë porositur doza nga kjo kompani.

Presidenti i SHBA Joe Biden e përshëndeti atë si “një lajm emocionues për të gjithë amerikanët dhe inkurajues të zhvillimit”, por paralajmëroi se “lufta nuk ka mbaruar ende”.

“Megjithëse ne po festojmë lejen e vaksinës së tretë, unë u bëj thirrje të gjithë amerikanëve që të vazhdojnë të mbajnë higjenën, si dhe të vazhdojnë t’i përmbahen masave epidemiologjike. Variantet e reja janë përhapur në të gjithë botën dhe situata është duke u përkeqësuar. Lufta ende nuk ka mbaruar”, tha Biden./arbresh.info/