Pas një pune të përbashkët midis dy delegacioneve, në Shtabin e Përgjithshëm të Mbrojtjes së Republikës së Italisë, në Romë, për herë të parë, u nënshkrua plani bilateral në fushën e mbrojtjes midis ministrive të Mbrojtjes së Kosovës dhe Italisë.
Me protokoll zyrtar, nënshkrimi i planit bilateral u bë nga drejtori i Departamentit për Bashkëpunim Ndërkombëtar dhe Integrime Evroatlantike (DBNIE), kolonel Hasan Hoxha në emër të Ministrisë̈ së Mbrojtjes së Republikës së Kosovës dhe kolonel David Morpurgo nga Shtabi i Përgjithshëm i Mbrojtjes së Republikës së Italisë.
Plani bilateral përmban aktivitetet kryesore të fushës së mbrojtjes, të cilat do të realizohen midis Forcave të Armatosura të Republikës së Italisë̈ dhe Forcës së Sigurisë̈ së Kosovës.
Të dyja palët u pajtuan që bashkëpunimi në të ardhmen të zgjerohet e intensifikohet edhe më tej.
Pjesë e delegacionit nga Kosova ishin edhe shefi i Departamentit të Planifikimit dhe Financave në SHPFSK, kolonel Agron Bajrami, shef i Departamentit për Operacione dhe Trajnim në SHPFSK, kolonel Ejup Maqedonci dhe znj. Edona Abazi-Zylfijaj, zyrtare e DBNIE-së.
Nga pala italiane në bisedimet ishte prezent edhe kom. Miretti, nga Departamenti i Bashkëpunimit Ndërkombëtar të Shtabit të Përgjithshëm të Mbrojtjes së Republikës së Italisë.
Delegacioni ynë, në Romë, u prit edhe në Ambasadën e Republikës së Kosovës në Itali, nga ambasadorja Lendita Haxhitasimi. Ajo u njoftua nga delegacioni ynë për planin bilateral të nënshkruar. Ambasadorja Haxhitasimi premtoi mbështetjen e saj në funksion të realizimit sa më efektiv të planit përkatës si edhe angazhimin e saj në forcimin dhe zgjerimin e bashkëpunimit midis dy ministrive dhe forcave respektive.

Përleshja në Ferizaj, i përfshirë edhe reperi Buta – policia...
Grabitje e armatosur në Zym të Prizrenit, sulmohen dy qyteta...
Kapet sasi e madhe drunjsh në kufi me Serbinë, policia jep d...
Shtetasja serbe raporton rrejshëm sulmin ndaj vajzës së saj,...
Man City kampion i Anglisë? Pep Guardiola tregon se si mund ...
Brikena nuk arrin ta prek finalen e madhe të Big Brother Alb...