Qytetarët në Rumani kanë ngritur zërin kundër Kishës Ortodokse, për shkak të vdekjes së një foshnje gjatë ceremonisë së pagëzimit.

“Vdekja e një të porsalinduri për shkak të kësaj praktike është një tragjedi e madhe. Ky rrezik duhet të eliminohet …”, thanë iniciatorët e peticionit të nisur në Internet, i cili deri më tani ka mbledhur më shumë se 56,000 nënshkrime, transmeton portali arbresh.info

Foshnja gjashtë javëshe  vdiq në spital të hënën, menjëherë pas pagëzimit në një kishë në Suceava. Sipas ritit, ajo ishte zhytur tri herë në ujin e bekuar. Pas kësaj, foshnja u sëmur dhe vdiq disa orë më vonë në spital nga dështimi i zemrës.

Sipas autopsisë, foshnjës i ishin mbushur mudhkëritë me ujë dhe tashmë është hapur një hetim ndaj priftit për pakujdesi.

Zëdhënësi i Kishës Ortodokse Vasile Banesku tha se priftërinjtë mund të spërkasin të porsalindurit vetëm lehtë në ballë për të shmangur tragjedi të tilla.

Por Kryepeshkopi Teodosije, udhëheqësi i krahut të fortë të kishës, tha se riti nuk do të ndryshonte./arbresh.info/