Një aeroplan me më shumë se 50 persona në bord është zhdukur vetëm pak kohë pasi u nis nga kryeqyteti i Indonezisë, Xhakarta.

Boeing 737 ishte nisur për në Pontianak në provincën e Kalimantan, bëjnë të ditur zyrtarët, transmeton portali arbresh.info

Ueb faqja gjurmuese e fluturimeve Flightradar24.com tha se mjeti fluturues kishte humbur më shumë se 3,000 metra lartësi në më pak se një minutë.

Ministria e transportit tha se përpjekjet e kërkimit dhe shpëtimit ishin në proces.

Sriwijaya Air, një transportues lokal, tha se ishte ende duke mbledhur informacion në lidhje me fluturimin.

Aeroplani nuk është një 737 Max, modeli Boeing i përfshirë në dy rrëzime të mëdha në vitet e fundit.

E para nga ato, në tetor 2018, përfshiu një fluturim Indonesian Lion Air i cili u zhyt në det duke vrarë 189 njerëz./arbresh.info/