U kritikua për Muriqin, por Igli Tare po transferon edhe një tjetër shqiptar tek Lazio

Igli Tare Campionato Serie A 2019-2020 incontro Spal v Lazio allo stadio Paola Mazza di Ferrara. Ferrara, 15-09-2019 © Marco Rosi / Fotonotizia

12:45 | 6 Janar 2021
Arbresh.info

Edhe pse është në qendër të kritikave nga mediat italiane lidhur me transferimin e sulmuesit shqiptarë, Vedat Muriqi, Drejtori Sportiv i Lacios, Igli Tare, nuk heq dorë nga bashkëkombasit e tij, teksa së fundmi po mendon të përforcojë mbrojtjen me Shkodran Mustafin, futbollistin me origjinë nga Gostivari.

Mustafi aktualisht është pjesë e Arsenalit, te e cila skuadër po kalon momentet e fundit, kjo pasi edhe drejtuesit e skuadrës londineze janë të interesuar për shitjen e tij.

Lacio ka hasur në shumë vështirësi në fazën e mbrojtjes, duke pësuar 31 gola në kampionat dhe në Ligën e Kampionëve, ndaj dhe drejtuesit e kësaj skuadre po kërkojnë një qendërmbrojtës.

Ndër emrat që janë shfaqur së fundmi është ai i Shkodran Mustafit, i kërkuar edhe në verë, pasi duket se transferimi i Armando Izzo i Torinës është shumë i vështirë./Arbresh.info/