Një helikopter është rrëzuar në Alpet Franceze duke ia marrë jetët pesë personave nga gjashtë sa ishin në bord, thonë zyrtarët.

Mjeti, nën pronësinë e një kompanie private ishte duke kryer një mision shpëtimi kur u rrëzua në afërsi të qytetit Bonvillard në zonën Savoie, transmeton portali arbresh.info

Shkaktari i aksidentit ende nuk dihet, por zyrtarët thonë se mund të jetë shkaktuar nga moti i ligë.

Alarmi është ngritur nga piloti i cili arriti të ikte nga helikopteri dhe u gjet i lënduar rëndë.

Helikopteri i përket Shërbimit Aérien Français, një kompani private që kryen misione kërkimi-shpëtimi dhe shërbime të tjera ajrore në të gjithë Francën.

Në një cicërimë, presidenti francez Emmanuel Macron ndau “mbështetjen nga kombi për familjet, mikun dhe kolegët e këtyre heronjve francezë”.

Autoritetet franceze thanë se helikopteri – një Eurocopter EC135 – po mbante një ekuipazh shpëtimi ajror në një mision stërvitor kur ra nga një lartësi prej 1,800 metrash./arbresh.info/