Policia suedeze ka arrestuar një grua të moshuar nën dyshimin se e ka mbajtur të mbyllur djalin e saj në perfieri të Stokholmit për gati tre dekada.

Ajo mohoi izolimin e djalit dhe dëmtimin e rëndë trupor pasi djali, tani i moshës rreth 40 vjeç, u gjet i plagosur dhe jetonte në skllavëri, shkruan BBC, transmeton portal arbresh.info

Rasti është zbuluar nga një i afërm i gruas, i cili e dërgoi gruan në spital për shkak të një sëmundje.

Djali i është nënshtruar trajtimeve mjekësore.

Policia ka mbyllur banesën në Haninge, një periferi jugore e kryeqytetit, për të kryer hetimin e tyre dhe po kërkon dëshmitarë ndërsa përpiqen të bashkojnë atë që ndodhi.

Djali është gjetur pasi është dëgjuar një zhurmë nga kuzhina.

Ai është gjetur i ulur në një cep të errët të dhomës, i mbuluar me urinë, papastëri dhe pluhur. Plagët që kishte i kishin mbuluar edhe gjunjët.

Kur e pa, ai u ngrit dhe i pëshpëriti emrin e saj përsëri dhe përsëri. Ai kishte humbur pothuajse të gjithë dhëmbët dhe zëri i tij ishte i paqartë, ka thënë dëshmitarja për mediat lokale.

Prokurorja e Stokholmit Emma Olsson i tha agjencisë së lajmeve Reuters se burri kishte kërkuar operacion, pa dhënë detaje të tjera./arbresh.info/