Presidenti francez Emmanuel Macron u ka kërkuar udhëheqësve myslimanë të pranojnë kartën e vlerave republikane si pjesë e një goditjeje të gjerë ndaj Islamit radikal.

Të mërkurën ai iu dha ultimatum 15-ditor Këshillit Francez të Besimit Mysliman (CFCM) për të pranuar statutin, transmeton portali arbresh.info

Do të thuhet se Islami është një fe dhe jo një lëvizje politike, ndërsa ndalon gjithashtu “ndërhyrjen e huaj” në grupet myslimane.

Ky vendim ndjek tre sulme të dyshuara islamike në më shumë se një muaj.

Macron ka mbrojtur fuqishëm sekularizmin francez pas sulmeve, ku mbeti i vrarë një mësues që kishte shfaqur karikaturën e Profetit Muhamed gjatë një diskutimi në klasë.

Të mërkurën vonë, presidenti dhe ministri i tij i brendshëm, Gérald Darmanin, u takuan me tetë drejtuesit e CFCM në pallatin Élysée.

“Dy parime do të shkruhen bardh e zi [në statut]: refuzimi i Islamit politik dhe çdo ndërhyrje e huaj,” i tha një burim gazetës Le Parisien pas takimit.

Përfaqësuesit e CFCM gjithashtu ranë dakord të krijojnë një Këshill Kombëtar të Imamëve, trupi thuhet se do të lëshojë imamë me akreditim zyrtar i cili mund të tërhiqet nëse shkelet një kod etik.

Presidenti Macron ka njoftuar gjithashtu masa të reja për të trajtuar atë që ai e quajti “separatizëm islamik” në Francë./arbresh.info/