“Kontabiliteti është sistemi nervor i ekonomisë, por profesionistët që e bëjnë këtë punë çdo ditë janë në pozitë jashtëzakonisht të varur krahasuar me kolegët e tyre nga aktivitete të tjera intelektuale: auditorë, vlerësues, avokatë, ekspertë, noterë. E nevojshme është që institucionet kompetente të marrin masa për të përmirësuar situatën në terren”.

Kjo u tha në seancën e sotme informuese për fillimin e dialogut për ndryshimet në Ligjin për kryerjen e punëve të kontabilitetit, përcjell telegrafi maqedoni.

Sesioni informues është organizuar nga projekti i USAID-it – “Partneritetit për biznes rregullativë më të mirë”, ndërsa qëllimi është të identifikojë sfidat me të cilat përballen kompanitë e kontabilitetit dhe të përcaktojë propozime dhe zgjidhje konkrete për përmirësimin e rregullores dhe kushteve për kryerjen e veprimtarisë së kontabilitetit.

“Në një klimë kaq të pafavorshme për zhvillimin e profesionit në kohë të shkurtër askush nuk do të dëshirojë të bëjë punë të kontabilitetit për shkak të çekuilibrit të përgjegjësive dhe detyrimeve nga njëra anë dhe shpërblimeve të sjella nga profesioni nga ana tjetër”.

“Në praktikë, ekziston çekuilibër ekstrem midis detyrimeve të imponuara të profesionit, të cilat pjesërisht burojnë direkt nga zgjidhje të caktuara ligjore dhe pjesërisht nga zbatimi praktik i dispozitave ligjore dhe të drejtave që ka profesioni dhe mbrojtjes që merr nga ata që janë përdoruesit më të mëdhenj të të dhënave të kontabilitetit dhe institucioni i krijuar ligjërisht që duhet të bashkojë kontabilistët dhe kontabilistët e certifikuar dhe të kujdeset për interesat e tyre”, theksoi eksperti i kontabilitetit, Bllagoja Grozdanov.