Njerëzit të cilët kanë akses ose jetojnë afër zonave të gjelbërta kanë më pak të ngjarë të pinë duhan, ose të vazhdojnë pirjen e duhanit, thuhet në studimin e ri britanik të publikuar evistën “Social Science & Medicine”.

Rezultatet e studimit janë kryer me rreth 8 mijë britanikë që kanë lidhur afërsinë dhe aksesin në zonat e gjelbërta me një probabilitet të reduktuar që një person të bëhet duhanpirës dhe një probabilitet më të lartë për të hequr qafe me sukses këtë zakon të keq, transmeton portal arbresh.info

Studimi thekson se njerëzit që pinë duhan kanë 12% gjasa të heqin dorë nga ky ves nëse jetojnë pranë zonave të gjelbërta.

Rezultatet e hulumtimit të kryer nga shkencëtarë nga Universitetet e Plymouth, Exeter dhe Vjenës nuk ndryshuan as kur u morën parasysh statusi socio-ekonomik i pjesëmarrësve dhe sjellja e tyre e rrezikshme shëndetësore.

Studimet e mëparshme nga të njëjtët shkencëtarë kanë treguar se vetë pamja e natyrës dhe peizazhit të gjelbër zvogëlon dëshirën e individëve për alkool, cigare dhe ushqim jo të shëndetshëm.

Ekzistojnë gjithashtu prova të hershme që vëzhgimi i natyrës zvogëlon nivelet e stresit dhe rrit mirëqenien e një individi./arbresh.info/