Ministri i Brendshëm i Austrisë përditëson informatat: 22 të lënduar nga sulmi në Vjenë

epa08536926 Austrian Interior Minister Karl Nehammer speaks during a press conference with Austrian Chancellor Sebastian Kurz, Austrian Minister for Social Affairs, Health, Care and Consumer Protection, Rudolf Anschober and Austrian Vice-Chancellor Werner Kogler at the Austrian Chancellery in Vienna, Austria, 09 July 2020. EPA/FLORIAN WIESER

15:12 | 3 Nëntor 2020
Arbresh.info

Ministri i Brendshëm i Austrisë, Karl Nehammer, ka dhënë një përditësim të informatave në media sa i përket sulmit të së hënës mbrëma.

Ai filloi duke thënë se numri i viktimave është katër derisa i të lënduarve është 22, njofton Klan Kosova.

Nehammer po ashtu konfirmoi edhe informatat që u bënë publike nga gazetat austriake mbi sulmuesin. Sipas ministrit, ai u neutralizua brenda nëntë minutave që kur nisi sulmi.

Ai ishte një 20 vjeçar me dy nënshtetësi, atë Austrisë dhe Maqedonisë së Veriut. Nehammer ka thënë se sulmuesi ka një të kaluar kriminale dhe ka pasë “përpjekje për anëtarësim” me Shtetin Islamik./Arbresh.info/