Nesër pritet të merren masat e reja për frenimin e përhapjes së Covid-19

19:21 | 30 Tetor 2020
Arbresh.info

Ministria e Shëndetësisë në bashkërendim me Institutin Kombëtar për Shëndetësi Publike pritet të marrin vendim për masa të reja kufizuese për frenimin e përhapjes së Covid-19.

Sikurse mëson arbresh.info ndër masat që pritet të merren janë kufizimi i lëvizjes si dhe kufizimi i aktiviteteve.

Lidhur me këtë nesër gjithashtu do të mblidhet komiteti për koordinimin dhe vlerësimin e situatës emergjente me koronavirus.

Kosova deri tani numëron plot 19,328 raste pozitive, të shëruar 15,434, 678 të vdekur si dhe 3, 126 raste aktive.

Evropa është përfshirë nga një valë e rritjeve të rasteve me koronavirus, ku Franca e Gjermania kanë vendosur të futen në karantinë për të shmangur një katastrofë njerëzore nga pandemia./arbresh.info/