Kryeministri Edi Rama ka reaguar sërish pas akuzave nga PD.

“PD të mos shikojë gishtin kur gishti tregon hënën dhe hiq dorë nga reagimet me sharje e me akuza, sepse s’ia kam unë fajin atij infermierit që Lulëzimi e prezanton si mjek dhe si ekspert kombëtar të pandemisë, duke u tallur me popullin e duke dizinformuar dynjanë!”, shkruan ai në twiiter.

Ndërsa më herët në ‘Facebook’ kka publikuar një kronikë ku shfaqet kreu i PD, Basha i cili flet në lidhje me tamponat në Durrës, e më pas gjatë deklaratës për mediat shfaq dhe një mjek që flet për situatën në spitale.

Rama ka bërë CV-në e mjekut që u prezantua nga Basha duke thënë se ai nuk ka qënë nxënës i dalluar e se ka mbaruar vetëm shkollën e mesme me notat 5-a. Zijal Hysa ka kryer një kurs 1 vjeçar në infermieri, kështu thuhet në videon e publikuar nga Rama. Ndër të tjera thuhet se liçensa e infermierit i ka skaduar në vitin 2020 e nuk dihet nëse e ka rinovuar apo jo.

‘Zgjohu Lul zgjohu, zgjohu dreqin zgjohu zgjohu! Zgjohu miku im se s’ka lezet fare kjo farë derexheje kështu… Zgjohu!‘- shkruan Rama përkah videos.