Kryeministri i Kosovës, Avdullah Hoti nesër do të zhvilloj një vizitë zyrtare në Maqedoninë e Veriut, me ftesë të kryeministrit Zoran Zaev.

Kjo është bërë e ditur përmes një komunikate për medie nga zyra e kryeministrit, ku thuhet se takimi ndërmjet dy kryeministrave do të mbahet në orën 14:00, transmeton arbresh.info.

Siç njofton komunikata, kryeministri Hoti gjithashtu do të zhvillojë edhe takime tjera.

Njoftimi i plotë:

Kryeministri i Qeverisë së Republikës së Kosovës, Avdullah Hoti, nesër ( e Premte), më 23.10. 2020, zhvillon vizitën zyrtare në Maqedoninë e Veriut, me ftesë të kryeministrit Zoran Zaev.

Takimi ndërmjet dy kryeministrave do të mbahet në orën 14:00. Me rastin e kësaj vizite, Kryeministri Hoti do të zhvillojë edhe takime tjera sipas agjendës së bashkëngjitur.

Gjatë vizitës zyrtare në Maqedoninë e Veriut, do të nënshkruhet Memorandum i Bashkëpunimit për krijimin e Rrjeteve të pastërta 5G në mes të Kryeministrit të Republikës së Kosovës, z. Avdullah Hoti dhe Nën Sekretarit të Shtetit për Rritjen Ekonomike, Energjinë dhe Mjedisin, z. Keith Krach.