Kryetari i AKR-së, Behgjet Pacolli, është takuar me Përfaqësuesin Special të Bashkimit Evropian për dialogun Kosovë-Serbi, Miroslav Lajçak.

Takimin është mbajtur me dyer të mbyllura.

Mirëpo pas takimit, kreu i AKR-ss, Behgjet Pacolli, në një prononcim për media ka bërë të ditur se takimi ishte i frytshëm dhe beson që brenda disa muajsh të arrihet marrëveshja finale, raporton arbresh.info.

Pacolli, tha se takimi me Lajcakun ishte një takim i frytshëm.

“Ishte një takim i frytshëm. Z. Lajcak më informoj për çdo gjë që ka bërë drejt përfundimit të procesit të  një marrëveshje gjithëpërfshirëse me Serbinë. Unë i dhashë mbështetjen time, i thash që duhet të ec përpara, asnjëherë t ë mos e braktisë këtë ide. Ju e dini se unë jam ithtar i madh i dialogut dhe paqes. Kuptova se është bërë një punë e madhe, dhe ashtu siç tha z. Borrel brenda disa muajsh mund të pritet edhe marrëveshja finale”, u shpreh Pacolli.

Kujtojmë se Lajçak ka ardhur për vizitë të martën në Kosovë dhe do të qëndroj deri të enjten.

Duket se agjenda e Lajçakut gjatë ditës së sotme do të jetë mjaftë e ngarkuar.

Përfaqësuesi Special, pas takimit me kryetarin e AAK-së, Ramush Haradinaj, kryetarin e Nisma’s, Fatmir Limaj, ka mbajtur takim edhe me kryetarin e AKR-së, Behgjet Pacolli.

Në njoftimin e Zyrës së BE-së në Kosovë është thënë se kjo vizitë ka të bëjë më Asociacionin e Komunave serbe./arbresh.info/