Zyra e Prokurorit të Specializuar ka dhënë detaje rreth arrestimit të ish- eprorit të Ushtrisë Çlirimtare të Kosovës  (UÇK)në zonën e Llapit, Sali Mustafa.

Sipas njoftimit të kësaj zyre, arrestimi i tij është bërë pas konfirmimit të aktakuzës ndaj tij.

Salih MUSTAFA u arrestua sot në Kosovë nga Zyra e Prokurorit të Specializuar në bazë të një fletarrestimi, urdhri për transferim dhe aktakuzës së konfirmuar, të lëshuara nga një gjykatës i procedurës paraprake i Dhomave të Specializuara të Kosovës”, thuhet në njoftim, raporton arbresh.info.

Tutje, Zyra e Prokurorit të Specializuar bën të ditur se Mustafa po transferohet në objektin e paraburgimit të Dhomave të Specializuara të Kosovës në Hagë dhe do të dalë para gjykatësit të procedurës paraprake pa vonesë të papërligjur.

“Z. MUSTAFA po transferohet në objektin e paraburgimit të Dhomave të Specializuara të Kosovës në Hagë dhe do të dalë para gjykatësit të procedurës paraprake pa vonesë të papërligjur. Sipas Ligjit për Dhomat e Specializuara dhe Zyrën e Prokurorit të Specializuar, policia në kuadrin e Zyrës së Prokurorit të Specializuar ka autoritetin dhe përgjegjësinë që të ushtrojë kompetencat që i janë dhënë policë së Kosovës sipas ligjeve të Kosovës. Në Ligjin për Dhomat e Specializuara dhe Zyrën e Prokurorit të Specializuar gjithashtu përcaktohet se personi kundër të cilit është konfirmuar aktakuzë, merret në ndalim në zbatim të urdhë-rarrestimit ose fletarrestimit të lëshuar nga Dhomat e Specializuara. Informacion i mëtejshëm do të jepet në kohën e duhur”, thuhet tutje në njoftimin e Zyrës së Prokurorit të Specializuar./arbresh.info/