Vrau me thikë në zemër shpërndarësin e ujit, i riu sqaron krimin: Më pa shtrembër, nuk di pse

01:07 | 22 Shtator 2020
Trina Galanxhi

Qëlloi 33-vjeçarin me thikë në zemër pas një konflikti për rrugën e makinës, arrestohet pas disa orësh të gjata negociatash Arbër Kote.

26-vjeçari dyshohet se vrau ditën e shtunë të riun Idajet Dulla, shoferin e një kamionçine, i cili i kishte zënë rrugën, teksa autori po lëvizte me një autobus fasonerie.

Ky shkak banal bëri që Kote të nxirrte një thikë nga kroskoti i autobusit e ta godiste në zemër për vdekje. Kote është djali i ish-drejtorit të Burgut të Durrësit.

Babai i tij mendohet të ketë qenë personi që bindi autorin të dorëzohej.

Ngjarja e rëndë ndodhi në zonën e Plazhit, afër xhamisë me katër minare. Burimet bënë të ditur se 33-vjeçari u transportua me urgjencë drejtë Spitalit të Durrësit me shenja jete, por për shkak të gjakderdhjes dhe se mjeti prerës i kishte prekur zemrën, nuk mundi të mbijetonte.