I dërguari i Posaçëm i presidentin amerikan, Donald Trump, për dialogun Kosovë-Serbi, Richard Grenell, në orën 18:00 takon kryeministrin, Avdullah Hoti.

Burime diplomatike kanë bërë të ditur për arbresh.info se menjëherë pas këtij takimi Grenell do të udhëtojë për në Serbi.

“Në orën 18:00 do të takojë kryeministrin Hoti, pastaj do të udhëtojë drejt Beogradit”, ka thënë ky burim.

Portali arbresh.info ka siguruar edhe fotografi të përgatitjeve në aspektin e sigurisë në objektin e Kryeministrisë.

Po ashtu pjesë e delegacionit të Shteteve të Bashkuara të Amerikës, do të jetë edhe kryeshefi ekzekutiv i Korporatës Ndërkombëtare të Financave dhe Zhvillimit në SHBA (DFC) Adam Boehler.

Vizitën në rajon e ka konfirmuar Richard Grenell edhe përmes Twitter.

Ai ka thënë se zbatimi i marrëveshjes mes Kosovës dhe Serbisë është në top prioritetet kryesore të Administratës Trump.

“Shihemi në Prishtinë dhe Beograd këtë javë”, ka shkruar ai./arbresh.info/