Në Berlin është duke u organizuar një protestë kundër kufizimeve të vendosura për parandalimin e Covid-19. Sipas organizatorëve parashikohet që rreth 22.000 njerëz të jenë në rrugët e Berlinit për të marshuar.

Disa javë më parë një marshim i ngjashëm tërhoqi aktivistë, anti vaksinues, të gjithë ata qytetarë që janë kundër vaksinimit dhe shtrëngimit të masave anti covid.

Autoritetet e Berlinit e kishin ndaluar zhvillimin e kësaj ngjarje, nga frika se pjesëmarrësit nuk do të ishin në gjendje të mbanin një distancë të sigurt nga njëri-tjetri.

Mirëpo një gjykatës doli në krah të organizatorëve, duke thënë se nuk kishte asnjë indikacion që demonstruesit do të injoronin udhëzimet e distancimit social.

Rreth 3.000 polic janë duke u vendosur në pikat e caktuara dhe do të jenë të gatshëm të ndërhyjnë nëse protestuesit shkelin rregullat.

Si në të gjitha vendet e Evropës edhe Gjermania po përballet me një shtim të rasteve të së infektuarve