“Gjetjet klinike tregojnë intoksikim nga grupi i substancave aktive të frenuesit të kolinesterazës”, tha klinika Charite, duke shtuar se prania e kolinesterazës “është provuar disa herë edhe në laboratorë të pavarur”.

Sipas mjekëve gjermanë nga një klinikë ku po mjekohet udhëheqësi i opozitës ruse, Alexey Navalny, ai është helmuar.

“Ekipi i mjekëve pas mbërritjes së tij ekzaminoi plotësisht pacientin. Gjetjet klinike tregojnë intoksikim nga grupi i substancave aktive të frenuesit të kolinesterazës”, tha klinika Charite në faqen e saj zyrtare, duke shtuar se prania e kolinesterazës “është provuar disa herë edhe në laboratorë të pavarur”.

Sipas klinikës gjermane, aktualisht Navalny është në një njësi të kujdesit intensiv dhe mbetet në një gjendje kome, ndërsa gjendja e tij është e rëndë, por pa asnjë rrezik akut për jetën e tij.

“Në përputhje me diagnozën, pacienti trajtohet me atropinë antidotike. Rezultati i sëmundjes mbetet i pasigurt, veçanërisht në fushën e sistemit nervor”, tha Charite.

Më tej, thuhet se mjekët janë në kontakt të ngushtë me gruan e Navalny-t dhe se deklarata është lëshuar me lejen e saj.

44-vjeçari Navalny, një kritik i zëshëm i presidentit Vladimir Putin, u sëmur javën e kaluar gjatë një fluturimi nga qyteti siberian Tomsk për në Moskë.

Avioni bëri një ulje urgjente në qytetin Omsk dhe Navalny me nxitim u dërgua në një spital, ku ai kaloi dy ditë para se të zhvendoset në Berlin.

Duke komentuar incidentin, zëdhënësi i Kremlinit, Dmitry Peskov, tha se ata po presin rezultatet e testit para fillimit të një hetimi./AA/