Ministria e Shëndetësisë e Indisë konfirmoi sot se gjatë 24 orëve të fundit janë kryer 899.864 teste të koronavirusit në vend, raporton Anadolu Agency (AA).

Numri i përgjithshëm i mostrave të testuara tani është 30.941.264.

Në këtë shkallë të testimit, shkalla e pozitivitetit në vend, shkalla mesatare e mostrave që u testuan pozitiv për sëmundjen e koronavirusit në të gjithë vendin, ka mbetur e ulët në 8.81 për qind krahasuar me mesataren javore të vendit prej 8.84 për qind.

“Testimi agresiv çon në identifikimin e hershëm dhe izolimin e rasteve pozitive të COVID-19. Kjo e shoqëruar me një trajtim efikas klinik ul nivelin e vdekshmërisë”, tha ministria.

India regjistroi 55.079 raste të COVID-19 në 24 orët e fundit, duke kapërcyer 2.7 milionë, tha ministria. Infeksionet tani qëndrojnë në 2.702.742.

Numri i të vdekurve gjatë 24 orëve të fundit ka arritur në 51.797 me 867 vdekje të reja. Vendi ka numrin e katërt më të lartë të vdekjeve në botë.

India ka raportuar numrin më të madh të rasteve ditore në të gjithë botën për 14 ditët e fundit, duke tejkaluar SHBA dhe Brazilin.