Agjenti i Willian-it, Kia Joorabchian ka refuzuar të zbulojë skuadrën, të cilës do t’i bashkohet klienti i tij.

Braziliani pas shtatë viteve në “Stamford Bridge” duke u larguar, ndërsa thuhet se do nënshkruajë kontratë trevjeçare me Arsenal-in, transmeton portali arbresh.info.

Asgjë ende s’është konfirmuar, por Joorabchian insiston që së shpejti do bëhet gjithçka zyrtare.

“Është lojtar i lirë. Ka kaluar shtatë vite te Chelsea, ka punuar me shumë trajnerë, ka fituar trofe të shumtë dhe ka lidhje të shkëlqyer me Lampard, e respekton shumë”.

“Por, mendoj se ishte momenti i duhur që të largohet. Këtë moment, nuk mund të them se ku do të shkojë, sigurisht Arsenal-i është ndër kandidatët”.

“Por, së shpejti do ju njoftojmë. E dimë se ku o shkojë, por nuk do zgjatë shumë”, deklaroi ai.

Gjatë javëve të ardhshme thuhet se Willian do i bashkohet skuadrës së Mikel Arteta-s./arbresh.info.