Spitali i Përgjithshëm i Pejës ka njoftuar se gjithsej 73 pacientë me koronavirus janë duke u trajtuar në këtë spital.

Prej tyre tetë janë në gjendje të rëndë, ndërsa 29 janë me oksigjenoterapi, përcjell “Zeri.info”.

Sipas njoftimit të tyre, po ashtu bëhet e ditur se nga personeli i spitalit të infektuar janë gjashtë mjekë, 15 infermierë dhe tre punëtorë teknikë.

Njoftimi i plotë:

Në Spitalin e Përgjithshëm në Pejë me COVID-19 aktualisht po trajtohen 73 pacientë. 29 pacientë janë në oksigjenoterapi, 8 pacientë janë në gjendje më të rëndë. ndërsa pacientët e tjerë janë në gjendje më stabile.

Nga personeli i Spitalit 6 mjekë, 15 infermierë dhe 3 punëtorë të shërbimit teknik janë të infektuar me COVID-19.

Gjatë 24 orëve të fundit në Spitalin e Përgjithshëm në Pejë 189 pacientë kanë marrë trajtim emergjent shëndetësorë.

Nga këta 21 pacientë janë shtrirë për trajtim të mëtutjeshëm. Kanë qenë 5 lindje, 3 normale dhe 2 me prerje cezariane. Kanë lindur 5 foshnje, 3 të gjinisë mashkullore dhe 2 të gjinisë femërore.

Gjatë 24 orëve të fundit në Spitalin e Përgjithshëm në Pejë janë kryer 5 operacione, ndërsa 164 pacientë kanë kryer analiza, që në total kanë bërë 2.056 analiza.