Ish-ministri i Punëve të Jashtme të Shqipërisë, Ditmir Bushati ka thënë se 10 vjet më parë Gjykata Ndërkombëtare e Drejtësisë arriti në përfundimin se deklarata e pavarësisë së Kosovës, e miratuar më 17 shkurt 2008, ishte në përputhje me të drejtën ndërkombëtare.

Bushati përmes një shkrimi në facebook ka thënë se kjo ditë do të mbetet e pashlyer në kujtesën e tij, ndërsa ka shtuar se bashkë me deputetët e tjerë të Kuvendit të Shqipërisë atë kohë ndërprenë seancën plenare dhe ndoqën me emocion gjyqtarët në arsyetimin e vendimit historik, shkruan arbresh.info.

Postimi i tij i plotë:

10 vjet më parë, më 22 korrik 2010, Gjykata Ndërkombëtare e Drejtësisë arriti në përfundimin se deklarata e pavarësisë së Kosovës, e miratuar më 17 shkurt 2008, ishte në përputhje me të drejtën ndërkombëtare. Do të mbetet e pashlyer në kujtesën time ajo ditë, teksa ne, deputetet e Kuvendit të Shqipërisë, ndërpremë seancën plenare dhe po ndiqnim me emocion gjyqtarët në arsyetimin e vendimit historik. Një vendim i drejtësisë ndërkombëtare që vulosi pavarësinë dhe projektin e shtetësisë së Kosovës! Urime ??❤️