Liderët e Bashkimit Evropian kanë arritur një marrëveshje historike për fondin e rimëkëmbjes ekonomike me vlerë prej 750 miliardë eurosh dhe planin afatgjatë të shpenzimeve pas katër ditësh me tensione e mosmarrëveshje. Ky ishte samiti më i gjatë i BE-së në dy dekadat e fundit.

Presidenti i Francës, Emmanuel Macron, tha se kjo është ditë historike për Evropën, ndërsa valuta euro shënoi rritje të vlerës në krahasim me dollarin pas lajmit për arritjen e marrëveshjes.

https://www.facebook.com/EmmanuelMacron/posts/2838561339709767

Marrëveshja u arrit në një mbledhje të mbajtur në orën 5 e 15 minuta të mëngjesit të së martës. Shtetet u pajtuan që mjetet të dhurohen në formën e granteve të pakthyeshme për vendet që janë prekur më së shumti nga koronavirusi./ arbresh.info/