Më 28 qershor, e diele, ka filluar të djersitet. Të hënën ka patur temperaturë jashtëzakonisht të lartë.

Është izoluar deri në ditën e premte kur i është drejtuar institucioneve shëndetësore për testim.

Ky është rrëfimi i Gentit (Emri i vërtetë i njohur për redaksinë) që po trajtohet në Klinikën Infektive në Qendrën Klinike Universitare të Kosovës.

“Të shtunën gjendjen e kam pas më të rëndë i kam telefonuar ndihmën e parë në Gjilan dhe më kanë dërguar në infektiv. Të premten e kam bërë testin, të dielën në mbrëmje me kanë tregu për rezultat”, thotë Genti për arbresh.info.

Por, familjarët e tij nuk janë testuar për Covid 19.

“Jo familjarët nuk e kanë bërë testin për Covid 19, gruaja dhe djali kanë pas simptoma të lehta”, ka shtuar ai.

Mesazhi i tij është për kujdes së pari për vetën pastaj edhe për familjarët e tyre.

“Mesazhi im është që të ruhen sa më shumë, t’i vendosin maskat, të kenë kujdes. Mua më ka munduar shumë, disa po thonë se nuk i mundon. Mirë është të ruhen vet e në këtë mënyrë i ruajnë edhe familjarët e  tjerë”, ka shtuar ai.

Intervistën e plotë rreth simptomave dhe gjendjes shëndetësore, e gjeni në videon e mëposhtme./arbresh.info/

https://www.facebook.com/arbresh.info/videos/3280739795322142/