Aq sa është e mirë në luftën kundër sëmundjes, po aq është efikase edhe në preventivën e diabetit të tipit 2

Turmeriku (shafrani Indian), është erëza, e cila bëhet nga rrënja e bluar e bimës së kurkumës; është e njohur edhe si erëza efikase, e cila ka spektër të gjerë veprimi dhe ndikon mirë në preventivën e sëmundjeve.

Besohet që komponenti i tij aktiv i turmerikut ndihmon edhe në uljen e sheqerit, transmeton Telegrafi.

Në të vërtetë, hulumtimet klinike në kafshë kanë treguar rezultate të shkëlqyeshme dhe sugjerojnë që shafrani do të mund t’u ndihmojë edhe atyre të cilët jetojnë me diabetin e tipit 2 që të ulin rrezikun nga komplikimet serioze.

Rrënja e bimës Curcuma longa, me mijëra vjet është përdorur për shërimin e diabetit në mjekësinë ajuvere dhe tradicionale kineze.

– Turmeriku mund të ndikojë në mënyrë të volitshme në shumicën e aspekteve kryesore të diabetit, duke përfshirë edhe rezistencën ndaj insulinës dhe hiperglikemisë – theksohet në studimin e Bibliotekës Kombëtare Amerikane të Institutit të Shëndetësisë.

Aq më tepër, studimi ka sugjeruar që kjo erëz mund të ndihmojë që të ulet niveli i glukozës në gjak, ndërsa njëherësh ka rol të madh në preventivën e diabetit.

Turmeriku mund të shtohet edhe në ushqim dhe të gjendet pothuajse në të gjitha dyqanet. Pos që është i dobishëm, është edhe shumë i shijshëm dhe u jep shije gjellëve.