Kreu i Aleancës Kosova e Re, Behgjet Pacolli, ka thënë se 2 Korriku 1990, është provë e gjallë dhe e vlefshme se populli shqiptar i ka ndjekur krejt etapat e shpalljes së pavarësisë.

Përmes një postimi në Facebook, Pacolli ka thënë se reagimi i egër nga regjimi serbomadh për parlamentarët e asaj kohe është dëshmi e gjallë se vendimi i tyre ishte valid.

“2 Korriku 1990, është provë e gjallë dhe e vlefshme se populli shqiptar i ka ndjekur krejt etapat e shpalljes së pavarësisë. Atëbotë parlamentarët tanë me guxim dhe largpamësi, shenjuan emrin e tyre në historinë moderne të Kosovës. Pikërisht reagimi i egër nga regjimi serbomadh ndaj tyre është dëshmia e gjallë se vendimi i tyre ishte valid, jo thjesht në gjyqin e historisë, por dhe në tërësinë e akteve kushtetues të ngrehinës legale federative”, tha Pacolli./arbresh.info/