Shoqata e Gastronomëve, Hotelierisë si dhe artistët sot kanë protestuar për të lejuar mbajtjen e dasmave.

Në një dokument të siguruar nga portali arbresh.info është ofruar edhe një manual për mbajtjen e dasmave dhe ahengjeve.

Shoqata Hoteliero-turistike kërkon nga kryeministri i Kosovës, Avdullah Hoti që të ndërmarr të gjitha iniciativat për lejimin e mbajtjes së ahengjeve edhe në vendin tonë.

“Në bazë të lëndës kemi kënaqësinë të kërkojmë nga Kryeministri i Republikës së Kosovës z. Avdullah Hoti për marrjen e të gjitha iniciativave për lejimin e mbajtjes së ahengjve edhe në vendin tonë”, thuhet në kërkesën e tyre.

Tutje ata kanë prezantuar edhe një manual që do të respektohej nga komuniteti i bizneseve.

Plani për sallat e dasmave rreth kujdesit anti Covid-19 me masat konkrete janë duke u kujdesur në higjienë si :

1. a) Obligative në hyrje të sallës ku mbahet eventi ose ndeja të ketë tunel dezinfektues i cili ka kosto të përballueshme nga pronaret e lokaleve.kur fillon ndeja ose dasma të gjithë dasmoret janë të obliguar të hynë në tunel dezinfektues.
2. b) Punëtoret ose kamarieret do të shërbejnë me doreza dhe do ta kryejnë shërbimin në një tavolinë me diameter 2m në të cilën do të lejohen të ulen maksimum 8 persona, distanca 2m e tavolinës nga tavolina tjetër.
3. c) Një listë me emra të të pranishmëve në aheng në rast të ndonjë shenje apo dyshimi të virusit të kem adresë për gjurmim dhe këto shënime te ruhen së paku dy javë si dhe lokali afarist të paraqesë se cili punëtor ka shërbyer në ato tavolina.
4. d) I gjithe stafi do ti t’i nënshtrohet kontrollit mjekësor si gjithmonë nga mjekët sanitar dhe pajisja me libreza sanitare të punës. Kontrolli nga inspektoriati i punës i shtuar.
5. e) Obligative dezinfektimi i objektit salles, kuzhinës e kështu me radhë të vendosen shenjat paralajmëruese për kujdes të shtuar si dhe dezinfektues me bazë alkoholi në salla.
6. f) Menaxhmenti do të ketë rol kyq dhe të jenë në nivel detyre me qellim te respektimit te masave nga ana e stafit ne menyrë efektive t’i kontrolloji pikat dezinfektuese brenda dhe jashtë objektit të kujdeset qe ato të jenë të mbushura me produkte si sapun dhe dezinfektues të kujdesen në pastërtinë e stafit si dhe pauza te shkurta kohë pas kohe personat përgjegjës të kontrollojn zbatimin e masave.