Kreu i komunës së Prishtinës, Shpend Ahmeti ka reaguar ndaj një postimi të institutit Kombëtar të Shëndetësisë Publike të Kosovës, që kishte për qëllim vetëdijesimin e qytetarëve  mbi për rrezikun e përhapjes së koronavirusit-Covid-19.

Virusi vret! Prind vendosni maskën! Unë jam fëmiu juaj! Dua të rritem me prind!

Ishte ky mesazhi i çuditshëm që IKSHPK ka postuar në faqen e saj, e të cilën Ahmeti e quajti analogji të gabuar, raporton arbresh.info.

“Përderisa pajtohem me qëllimin, mjeti, mënyra dhe përçuesi i porosisë lënë për të dëshiruar. Instituti si fëmijë që kujdeset për prindin është analogji e gabuar. Instituti është institucion shkencor që jep fakte shkencore dhe analizon situatën për politik bërësit. Jep siguri për qytetarët se situata është nën kontroll. Jep rekomandime shkencore – dhe vetëm shkencore”, ka shkruar Ahemeti në Facebook..

Tutje, ai ka shtuar se mesazhi duhet të jetë i seriozitetit të virusit. Sipas tij ka mënyrë më profesionale dhe më pak të çuditshme se kjo.

“Përndryshe përgëzime për punën e Institutit. Po virusi vret, por është e lehtë të luftojnë nëse të gjithë marrim përgjegjësi si qytetarë. Këtë nuk e kemi bërë javët e fundit. Është koha të jemi serioz në këtë betejë të gjithë. Atëherë sdo të ketë nevojë për masa tjera restriktive”, ka thënë Ahmeti./arbresh.info