Hungaria theu ligjin evropian duke kufizuar fondet e huaja të organizatave të shoqërisë civile, thuhet në verdiktin e Gjykatës së Lartë Evropiane.

Një ligj hungarez i vitit 2017 kërkon që OJQ-të që marrin fonde nga jashtë të regjistrohen si “organizata të mbështetura nga të huaj” dhe të publikojnë emrat e donatorëve, transmeton portali arbresh.info.

Gjykata Evropiane e Drejtësisë (GJED) tha se kufizimet ishin diskriminuese ndaj OJQ-ve dhe donatorëve.

Hungaria thotë se kjo është bërë kundër shpëlarjes së parave dhe me qëllim të nxitjes së transparencës.

Kryeministri i Hungarisë, Viktor Orban prej kohësh është përfshirë në një zënkë me filantropin miliarder George Soros dhe ka akuzuar OJQ-të e financuara nga Soros se përzihen në politikat e brendshme.

Ligji përcakton që kategoritë e OJQ-ve që marrin më shumë $ 27,000 (21,600) fonde të huaja në vit duhet të regjistrohen si të tilla dhe të publikojnë emrat e donatorëve.

“Kufizimet e Hungarisë në financimin e organizatave civile nga persona të vendosur jashtë këtij shteti anëtar nuk përputhen me ligjin e Unionit”, tha Gjykata Evropiane e Drejtësisë në një deklaratë.

Sipas GJED, ligji kufizon lëvizjen e lirë të kapitalit – një nga katër parimet themeluese të Bashkimit Evropian – sepse ai “krijon një ndryshim në trajtimin midis lëvizjeve kombëtare dhe ndërkufitare”.

Kritikët e z. Orban thonë se ligji kishte për qëllim të heshtte opozitën.

Orban, një nacionalist dhe konservator, dhe partia e tij në pushtet Fidesz, e cila mban një shumicë të plotë në parlament, janë akuzuar për ushtrimin e pushtetit në mënyra gjithnjë e më autoritare./arbresh.info/