Presidenti sirian Bashar al-Assad ka pushuar nga puna kryeministrin Imad Khamis, pasi ai po përballet me një krizë në rritje ekonomike që ka shkaktuar protesta.

Mediat shtetërore nuk kanë dhënë arsye për vendimin për të zëvendësuar Khamis, i cili ishte në krye të pozitës që nga viti 2016, transmeton portali arbresh.info.

Por ky veprim erdhi pas ditësh të demonstratave të rralla antiqeveritare në qytetin kryesisht Druze të Suweida, në të cilën njerëzit kërkuan rrëzimin e z. Assad.

Monedha e Sirisë ka rënë në vlerë kohët e fundit, duke çuar në rritje të çmimeve.

Qeveria, mbështetësit e së cilës kanë organizuar një kundër-demonstrim në Suweida, ka fajësuar sanksionet perëndimore dhe “manipulimin” e kursit të këmbimit.

Javën tjetër, masat e reja amerikane do të synojnë individët që mbështesin zotin Assad dhe aleatët e tij në luftën civile nëntë-vjeçare, e cila ka lënë më shumë se 380,000 njerëz të vdekur.

Suweida kryesisht është kursyer nga tmerret e luftës.

Shumica e Druze – të cilët janë adhurues të një sekti sekret, të shkëputur nga Islami – kanë qëndruar besnikë ndaj Assadit, nga frika se pakicat fetare do të ishin në shënjestër nëse ai do të rrëzohej, dhe qyteti ka mbetur në duart e qeverisë.

Protestat antiqeveritare atje filluan të dielën “me thirrje për përmirësimin e kushteve të jetës përpara se kërkesat të bëhen më politike”, sipas Observatorit Sirian për të Drejtat e Njeriut (SOHR), një grup monitorimi me bazë në Mbretërinë e Bashkuar./arbresh.info/

For non-Arabic speakers,these are the most prominent slogans chanted in the demonstrations in #Suwayda yesterday. #Syria #SyrianLivesMatter pic.twitter.com/mWP1IrRBKs

— السويداء 24 (@suwayda24) June 8, 2020