Babai i Agon Musliut e quan burg të Albin Kurtit konviktin ku vdiq djali i tij

13:36 | 3 Qershor 2020
Arbresh.info

Babai i Agon Musliut, Naim Musliu, i cili para një muaji dyshohet se ka bërë vetëvrasje në konviktin e “Qendrës Studentore në Prishtinë”, ku ishte futur në karantinë pasi ishte kthyer nga Gjermania, e ka quajtur “burg të Albin Kurtit” konviktin ku i vdiq biri i tij.

Sot është bërë një muaj prej kur ka vdekur i riu nga komuna e Gjilanit, Agon Musliu.

Në njëmujorin e vdekjes së të birit, prindërit e Agonit kanë shkuar te konviktet.

Babai i Agonit, Naim Musliu, e ka quajtur “burg të Albin Kurtit” vendin ku i vdiq i biri.

“Erdha me viztu burgun e Albin Kurtit ku humbi jetën djali im i vetëm. Rastin du me dërgu me u hetu jashtë, nuk i besoj këtij shteti. Prokuroria më ka intervistu. Deputetët nuk kanë ardhë asnjë lule me e sjellë këtu”, ka thënë Naim Musliu.

Ndërkohë, një muaj pas vdekjes së Agonit, ende nuk janë zbardhur rrethanat e vdekjes së tij.